聖誕系列之<<聖誕派對>>

終於有時間同大家報導一下星期四晚公司喺Criniti舉行嘅聖誕派對。Criniti 係位於南費城嘅一間意大利餐館。由我哋公司設計﹐剛剛建成。菜色方面還可以。其中一道水果批甜點深得我心。可惜事後先記得我掛住食﹐忘記好似BL咁作圖謀並茂嘅詳盡介紹。
而全晚嘅高潮當然係 polyanna. 眾人皆各出奇謀﹐極盡挖苦攪笑之能事。可幸亦能點到即止﹐攪笑成份居多﹐絕無難堪鏡頭。因為詢眾要求﹐特將接待員小妹當場試穿新衫場面附上。而我所得到嘅禮物亦相當有心思。皆因全人類都知我唔識飲酒。所以我嘅 secret polyanna santa 特別設計一套名為 training program 嘅禮物。有低酒精box wine, sippy cups, gatorade, 止痛藥同麥記coupon. 當我拆完所有禮物﹐佢再親自送上頸巾手套一盒。而最後各人均得到印有公司名嘅水壺一個﹐並一些小玩意。可謂滿載而歸。