聖誕系列之<<福音聖誕聚餐>>

應好姊妹邀請﹐參加左新生城市團契嘅聖誕聚餐。大人連小孩﹐有近百人出席。因為該團契成員中不乏成人英語班導師﹐所以今晚以福音為主嘅聚餐﹐大部份出席者都係由導師邀請嘅英語班學生。而多數都係非基督徒。今晚除聚餐外﹐亦有林牧師嘅前衛夾生動講道。喺聖誕聚餐講你死我死大家都要死同十八層地獄,真係只此一家。兒科聖手蕭醫生作翻譯﹐林牧師就地取材﹐謂蕭醫生可以每次睇完病後都同病人父母講今日醫好你嘅仔女﹐但佢哋遲早都要死。假若如此﹐實聽關門大吉。一句真實得唔能夠再真實嘅說話﹐但係大家都怕聽﹐因為人對死亡產生恐懼。焉知我哋每個都要經歷born & die, 唯有耶穌係born to die, 佢係為死而生﹐而至我哋可以靠佢嘅死而活。會後亦有學員表示對福音有興趣。
寒冷冬夜﹐見一張張笑意綿綿嘅臉孔﹐見福音嘅大能穿插喺唔同年齡﹐唔同言語﹐背境嘅各人當中﹐實在為如此寒冬添上一絲暖流。