Designers' Chairs

呢一款公司椅設計獨特﹐全部爛喺同一個位置而形成不同嘅層次感。唔怪得用左咁多年﹐老細都唔捨得換新椅。公司電話相當舊式﹐終於壞左一個。老細叫秘書買翻一個換﹐點知嫌貴﹐著秘書買二手。個客有時上我哋公司開會﹐但無 conference call 電話﹐叫我哋老細應該買翻個。但老細一樣嫌貴﹐叫秘書買二手﹐因此到依家都未買到。如此慳﹐但全部慳喺我哋班員工身上。我哋每日平均工時 14, 15 個鐘。呢個禮拜更變本加厲做足 100 個鐘。老細會收翻個客加班費﹐但員工卻無加班費收。咁老闆老闆娘收埋收埋﹐慳埋慳埋嘅錢去左邊? 咪去晒佢哋度囉。之前講過老闆娘買四萬蚊嘅手袋﹐其實佢哋兩個一樣﹐一身名牌﹐日日成身 Gucci, Chanel, Prada, LV ﹐買名車﹐請司機。難怪公司怨氣如此之多。難怪新請左個同事﹐做左三日就辭職。難怪公司同事商議集體辭職。但係講還講﹐怨還怨﹐最後咪又死死地氣繼續挨。。。。