橋

香港土木工程拓展署將會興建跨灣公路搭通將軍澳同藍田。公路全長 1.8公里﹐包括1.3公里高架橋橫跨將軍澳海灣。除兩條雙線行車道外﹐另有單車及行人徑。本來工程已判左俾 Ove Arup﹐但 CEDD 想話收取更多設計方案﹐於是開辦公開設計比賽。老闆委任阿花作組長帶組參賽。之不過。。。之不過。。。如果大家重記得﹐除我大學時期起過一條因計錯數﹐模型車前輪一上橋條橋就應聲而塌嘅石屎模型橋後﹐我就再無設計過半條橋哪。當然老闆不知其典故﹐就算知﹐都覺得無所謂﹐事關起橋一般係工程師嘅事﹐但老闆忽發奇想﹐諗住差隻腳埋去。大概見大家近日8點上下有得放工﹐睇唔過眼﹐要俾多啲野我哋做。
上個星期寫到呢度就無再寫。本來想寫多啲﹐都係拿拿聲出左街再後補另一篇。唔係真係被列黑名單。