S.A.D.

喺呢間公司做左 3 個月就升左做 senior﹐所謂升 sen, 升仙﹐又過左 3 個月後﹐發現原來係個 sad 字。事緣我由 AD 轉左做 SAD。唔記得阿蜘蛛俠定蝙蝠俠講話能力越大﹐責任越大。我就慘在無嘜能力﹐責任卻大。頭幾個月諗住唔鐘意就走﹐後來驚覺原來依家唔係公司嘅責任﹐而係對家庭嘅責任。再發現原來香港則樓普遍如是。朋友間有成年﹐兩年失業者。唔敢輕舉莽動。對比世界各地真正捱緊嘅人﹐我已算不俗。唯有苦中作樂﹐同班同事 OT 時發下癲﹐得閒就吐下苦水發泄下。多多禱告﹐求神帶領。我嘅半杯水可能都會滿溢。